Slökkviliðið á höfuðborgarsvæðinu hefur sent af stað minnst tvo dælubíla til að bregðast við eldsvoða í Bjarmalandi í Fossvogi. Eldur kviknaði í geymslu á palli fyrir utan íbúðarhús í Bjarmalandi. Stefán Már Kristinsson, varðstjóri hjá slökkviliðinu á höfuðborgarsvæðinu, segir að slökkvilið telji sig vera búið að slökkva eldinn. Slökkvilið heldur áfram að athuga hvort eldur hafi komist í þakkantinn á húsinu. Hætta sé þó að mestu liðin hjá. Úr Efstaleiti sást reykur stíga upp til himins. Fréttin verður uppfærð.