Sig­mundur Davíð Gunn­laugs­son, for­maður Mið­flokksins, gagn­rýndi ríkis­stjórnina harð­lega í óundir­búnum fyrir­spurnum á Alþingi og sagði stöðu efna­hags­mála kalla á af­gerandi inn­grip stjórn­valda. Hann beindi spurningum sínum að Kristrúnu Frosta­dóttur for­sætis­ráðherra og tengdi stöðu Icelandair við inn­leiðingu ETS-kerfisins, við­skipta­kerfis Evrópu­sam­bandsins með losunar­heimildir. „Það fór ekki vel með verðmæta­sköpunar­haustið, ekki heldur með vaxtalækkunar­vorið og ekki stefnir í að þetta verði at­vinnu­sköpunar­sumar hjá okkur,“ sagði Sig­mundur og bætti við að gengið hefði „af­skap­lega erfið­lega að ná tökum á ríkis­fjár­málunum“. Hann sagði ríkisút­gjöld hafa aukist meira en nokkru sinni fyrr og að skattar og ýmis gjöld hefðu verið hækkuð. Þá gagn­rýndi hann hag­ræðingará­tak ríkis­stjórnarinnar og sagði að þrátt fyrir að þúsundir til­lagna hefðu borist al­menningi hefði lítið orðið úr fram­kvæmdum. Sjá einnig Margar hag­ræðingarað­gerðir í van­skilum „Nú kemur á daginn, að öllum þessum tíma liðnum, að fimm þeirra hefur verið hrint í fram­kvæmd og það er ekki einu sinni hafin vinna við u.þ.b. helminginn af þeim,“ sagði Sig­mundur. Hann spurði hvort ríkis­stjórnin hefði ekki vilja til að standa við kosninga­lof­orð og ná tökum á efna­hags­málum, vöxtum og verðbólgu. „Er það vegna þess að ríkis­stjórnin er bara með hugann við Evrópu­sam­bandið? Má allt reka á reiðanum fram að því? Hvers vegna bregst ríkis­stjórnin ekki við síversnandi stöðu í ís­lensku efna­hags­lífi?“ Kristrún vísaði gagn­rýninni á bug og sagði ríkis­stjórnina þegar hafa náð árangri í ríkis­fjár­málum. Hún sagði hallann á fjár­lögum hafa verið helmingaðan og skuldir ríkis­sjóðs lækkað um 7,5 pró­sent á fyrsta ári ríkis­stjórnarinnar. Þá nefndi hún sölu á hlut ríkisins í Ís­lands­banka og upp­gjör ÍL-sjóðs. Þess ber þó að nefna að bæði þau verkefni hófust í tíð síðustu ríkisstjórnar. „Það er því ýmis­legt sem hefur gengið vel og við skulum halda því til haga,“ sagði Kristrún. Hún sagði hag­ræðingarað­gerðir ríkis­stjórnarinnar meðal annars birtast í fjár­málaáætlun, þar sem gert væri ráð fyrir um 170 milljörðum króna í hag­ræðingu. Þá sagði hún ríkis­stofnunum hafa fækkað um fimm pró­sent á átján mánuðum og stefnt væri að því að fækkunin yrði hátt í fimmtán pró­sent á kjörtíma­bilinu. Sig­mundur svaraði því til að það væri vissu­lega rétt að það tæki tíma að snúa skipinu við, „en það væri æski­legt að því yrði alla­vega beint í rétta átt“. Hann sagði ríkis­stjórnina helst telja sér til tekna mál sem tengdust fyrri ríkis­stjórn, sem hann sagði hafa verið „alveg af­leita“. Þá beindi hann um­ræðunni að Icelandair og ETS-kerfinu. „Ein leið til þess að bregðast við með af­gerandi hætti væri að bregðast við þeirri stöðu sem Icelandair er statt í núna. Það flug­félag er ekki bara eins og hvert annað fyrir­tæki; það er á vissan hátt líflína landsins við útlönd,“ sagði Sig­mundur. Hann spurði hvort ekki væri tíma­bært að for­sætis­ráðherra og eftir at­vikum utan­ríkis­ráðherra hefðu sam­band við Evrópu­sam­bandið og út­skýrðu að Ís­land gæti ekki tekið þátt í kerfinu. „Er ekki tíma­bært að hæstv. for­sætis­ráðherra, og eftir at­vikum utan­ríkis­ráðherra, hafi sam­band við ESB og út­skýri fyrir þeim að Ís­land muni ekki og geti ekki tekið þátt í þeirri ETS-dellu­inn­leiðingu sem illu heilli var fallist á á síðasta kjörtíma­bili? Aðstæður bara leyfi það ekki,“ sagði Sig­mundur. Hann sagði málið varða „neyðarrétt“, full­veldis­rétt og nauð­syn Ís­lands til að hverfa frá inn­leiðingunni. Þá sagði hann að bregðast hefði átt við þegar refsi­tollar voru lagðir á ís­lenska kísiljárn­fram­leiðslu, „en nú er það al­deilis orðið tíma­bært“. Kristrún sagði ríkis­stjórnina vinna að því dag­lega að halda sér­stöðu Ís­lands á lofti gagn­vart Evrópu­sam­bandinu. Hún sagði Ís­land hingað til hafa fengið undanþágu frá ETS-kerfinu. „Það er unnið að því alla daga að halda því til haga hver sér­staða Ís­lands er og sú barátta er enn í gangi,“ sagði Kristrún. Hún sagði stjórn­völd hafa fengið „ágætis­hljóm­grunn“ fyrir mál­stað Ís­lands gagn­vart Evrópu­sam­bandinu. „Það eru allir meðvitaðir um að það þarf að halda sér­stöðu Ís­lands á lofti hvað það varðar og það gerum við dag­lega gagn­vart Evrópu­sam­bandinu,“ sagði for­sætis­ráðherra. Kristrún hafnaði því að ríkis­stjórnin væri ekki að beina málum í rétta átt og nefndi meðal annars ein­földun leyfis­ferla í orkumálum, breytingar á eftir­lits­um­hverfi fyrir­tækja, af­nám jafn­launa­vottunar, sam­einingu at­vinnu- og dvalar­leyfa og ein­földun byggingar­reglu­gerðar. „Já, þessu er ekki öllu lokið en hlutirnir eru að fara í rétta átt,“ sagði Kristrún.