This article describes a kinetic military threat, not a software vulnerability, involving deliberate Russian drone and missile strikes on Ukrainian nuclear facilities, specifically a spent fuel storage site near the Chernobyl plant. The attack vector is physical ordnance delivered by drones and missiles, with the intent to cause radiological contamination. No CVSS score, affected software versions, patches, or technical workarounds are applicable to this physical security incident.
Forseti Úkraínu segir árásir Rússa nærri kjarnorkuverinu í Tsjornobyl í nótt hafa verið gerðar með einbeittum brotavilja. Hann fundar með forsætisráðherra Bretlands, Frakklandsforseta og kanslara Þýskalands í dag þar sem leiðtogarnir ræða áframhaldandi stuðning Evrópuríkja við Úkraínu. Í aðdraganda fundarins bárust fregnir frá embættismönnum í Kænugarði þar sem greint var frá því að rússneskur dróni hefði skotið á geymsluaðstöðu fyrir kjarnorkueldsneyti í grennd við kjarnorkuverið í Tsjornobyl í norðurhluta Úkraínu. Samkvæmt embættismönnunum urðu engin slys á fólki þar sem fljótt tókst að slökkva eldinn og koma í veg fyrir breytingar á geislunarstigi eldsneytisins. Árásir á þrettán héruð í Úkraínu í nótt Í færslu á samfélagsmiðlinum X segir Volodymyr Zelensky, forseti Úkraínu, árásirnar „viðurstyggilegar“. Hann segir árásirnar hafa verið gerðar á þetta tiltekna mannvirki af ásettu ráði þar sem mikilvægi þess sé ótvírætt. Zelensky segir Rússa hafa gert loftárásir í 13 héruðum í Úkraínu í nótt. Þá hafi yfirvöld í Moskvu skotið 88 eldflaugum, rúmlega 3.000 drónum og 1.800 sprengjum á síðustu daga. Um helgina gerði Úkraínuher drónaárásir á Sankti Pétursborg í Rússlandi en þar stendur nú yfir árleg efnahagsráðstefna. Þá sögðu Rússar um 140 dróna hafa verið skotna niður í grennd við borgina og voru íbúar hvattir til þess að halda sig innandyra – í fyrsta skipti síðan stríðið hófst fyrir meira en fjórum árum. Vladimír Pútín Rússlandsforseti ávarpaði ráðstefnuna í gær og sagði árásir Úkraínumanna „fordæmalausar“. Hann sagði jafnframt tilgangslaust að funda með forseta Úkraínu fyrr en friðarsamningur milli ríkjanna tveggja lægi fyrir. Fulltrúar fjögurra ríkja funda í Downingstræti Volodymyr Zelensky fundar með Keir Starmer, forsætisráðherra Bretlands, Emmanuel Macron, forseta Frakklands og Friedrich Merz, kanslara Þýskalands í dag. Fundurinn er í Downingstræti 10 í London. Ríkin þrjú eru meðal sterkustu bandamanna Kænugarðs. Þá eru Bretland og Frakkland í forsvari fyrir Bandalag hinna viljugu (e. Coalition of the Willing), alþjóðlegs samstarfs sem vinnur að því að tryggja öryggi Úkraínu og stuðla að viðvarandi friði í og stöðugleika í öryggismálum Evrópu. Hópurinn kom síðast saman í London í desember. Þá þrýstu Bandaríkin á fulltrúa Rússlands og Úkraínu að undirrita áætlun hið snarasta um að binda enda á stríðið í Úkraínu.