Það eru fjórir leikir á dagskrá heimsmeistaramótsins í fótbolta í kvöld og í nótt. Bandaríkin mæta Ástralíu í Seattle og þar munu liðin slást um öruggt sæti í útsláttarkeppninni. Bæði lið eru með þrjú stig eftir fyrstu umferð riðlakeppninnar. Þá verður leikið í C-riðli þegar Skotland og Marakkó eigast við klukkan 22:00 í kvöld og klukkan 00:30 er komið að Brasilíu og Haítí. Skotar eru eina liðið með þrjú stig eftir fyrstu umferð í C-riðli. Loks mætast Tyrkland og Paragvæ sem leika með Bandaríkjunum og Ástralíu í D-riðli. Bæði lið stigalaus og því mikið í húfi í nótt. Dagskráin: 18:30 Stofan (RÚV 2) 19:00 Bandaríkin - Ástralía (RÚV 2) 21:05 HM kvöld (RÚV 2) 22:00 Skotland - Marokkó (RÚV 2) 00:30 Brasilía - Haítí (RÚV) 03:00 Tyrkland - Paragvæ (RÚV)