This article describes kinetic military attacks, not a software vulnerability, so it does not contain information on a CVE, CVSS score, affected software versions, patches, or technical workarounds. The primary threat is an escalation of missile and drone strikes targeting civilian cargo ships in the Black Sea, representing a significant shift in the regional conflict's attack surface. The stated objective of these attacks is to disrupt maritime trade and deter international companies from purchasing Ukrainian exports.
Að minnsta kosti tíu voru drepnir í loftárás Rússa á flutningaskip í Svartahafi undan ströndu úkraínsku borgarinnar Odesa. Rússar hafa sett aukinn kraft í árásir á flutningaskip síðustu vikur. Aukinn þungi í árásir á flutningaskip Flutningaskipið Golden Leo sigldi undir fána Gíneu-Bissaú. Úkraínski flugherinn greindi frá því að rússneskar eldflaugar hefðu hæft skipið í gær. Eldur braust út um borð. Leitar- og björgunaraðgerðir hófust í gær og stóðu yfir í nótt. Hafnaryfirvöld í Úkraínu sögðu í morgun að níu úr áhöfn skipsins hefðu verið drepnir auk úkraínsks flugmanns. Stjórnvöld á Indlandi staðfestu síðar að fjórir ríkisborgarar landsins hefðu látist í árásinni. 28 drepnir í Odesa Árásum á Odesa hefur fjölgað síðustu vikur og samkvæmt Oleh Kiper héraðsstjóra hafa 28 verið drepnir í árásum Rússa á héraðið það sem af er júlí. Rússar hafa einnig sett aukinn kraft í árásir á flutningaskip á Svartahafi. Sérfræðingar telja að Rússar setji aukinn þunga í árásir á flutningaskip til að fæla erlend fyrirtæki frá að kaupa úkraínskar vörur. Úkraínumenn treysta mikið á útflutning og hann er mikilvæg tekjulind fyrir stjórnvöld. Tveir þriðju hlutar útflutnings þeirra á landbúnaðarafurðum fer í gegnum Svartahaf – jafnvirði um níu milljarða bandaríkjadala eða yfir 1.100 milljarða íslenskra króna. Ítrekaðar árásir á báða bóga Loftárásir Rússa annars staðar í Úkraínu halda einnig áfram. Tveir voru drepnir í loftárásum á borgirnar Pavlograd og Kramatorsk og fjórir í loftárásum á Odesa og Zaporizhzhia, samkvæmt úkraínskum yfirvöldum. Tugir hafa verið drepnir í loftárásum Rússa á Úkraínu í þessum mánuði. Úkraínumenn hafa einnig sett aukinn kraft í árásir á Rússland. Drónaárás Úkraínuhers á rútu í Belgorod-héraði nærri landamærunum að Úkraínu varð fimm að bana. Alexander Shuvaev, héraðsstjóri Belgorod, sagði Úkraínumenn viljandi hafa beint árás sinni að rútunni. „Fimm saklausir almennir borgarar, þar á meðal einn ólögráða einstaklingur, létust í þessari ómannúðlegu og fyrirlitlegu árás. Að auki særðust 23 almennir borgarar, þar á meðal unglingur.“ Samkvæmt Sameinuðu þjóðunum voru fleiri almennir borgarar drepnir í Úkraínu í júní en í nokkrum mánuði síðan í apríl 2022.