Bátar sprengdir í loft upp í árás Bandaríkjahers á Íran.X / Stjórnstöð Bandaríkjahers Stjórnstöð Bandaríkjahers segir herinn hafa gert árásir á stjórnstöðvar Íranshers, drónageymslur, samskiptanet og strandeftirlitsstöðvar í nótt. Þetta er þrettánda nótt árása í röð. Bandaríkjaher segir árásunum ætlað að veikja getu Írana til að ráðast á kaupskip sem sigla um Hormússund. Herinn heldur því einnig fram að sundið sé opið fyrir skipaumferð. Donald Trump Bandaríkjaforseti sagði í kvöld að til stæði að nota frystar íranskar eignir til að greiða fyrir allt tjón sem á skipum og varningi á Persaflóa.