The article describes a terrorist vehicle-ramming attack targeting a public parade in Berlin, resulting in casualties. The attack vector was a delivery van deliberately driven into a crowd, with the suspected driver still at large and believed to have ties to Islamist extremist groups. Authorities have arrested one individual suspected of involvement in the attack.
„Það er þungt yfir þessarri samkomu og það byrjaði að rigna nánast um leið og dagskráin hófst, þannig að stemningin er eftir því,“ sagði Alda Vigdís Skarphéðinsdóttir, sem er búsett í Berlín og er stödd við Brandenborgarhliðið. Boðað var til þessarar samkomu í morgun, eftir árásina á Gleðigönguna í Berlín í gærkvöld, þar sem ein kona lést og næstum þrjátíu manns særðust, þegar sendibíl var ekið inn í mannfjöldann nálægt Tiergarten svæðinu í miðborginni. Búist er við fólk safnist saman á fleiri samkomum í Berlín í dag. Lýsir þessu sem hryðjuverkaárás Lögregla handtók í morgun mann sem er grunaður um að vera viðriðinn ódæðið, en leitar enn að manni sem þýskir fjölmiðlar hafa nefnd Abdul B, og er talinn hafa ekið sendibílnum inn í mannfjöldann í gærkvöld. Sá maður er talinn vera með tengsl við öfgahópa íslamista. Alexander Dobrint, innanríkisráðherra Þýskalands sagði á blaðamannafundi nú um hádegið að allt bendi til þess að um hryðjuverkaárás hafi verið að ræða; hann sagði ennfremur að ódæðismaðurinn hefði stigið út úr sendibílnum, ráðist að nærstöddum með sveðju og valdið nokkrum þeirra alvarlega áverka.