Brúin yfir Skaftafellsá. Þar verður hvasst í dag.RÚV / Skjáskot Búast má við hvössum vindstrengjum um sunnan- og austanvert landið í dag. Í athugasemd frá veðurfræðingi Vegagerðarinnar segir að hviður geti náð 25 metrum á sekúndu undir Eyjafjöllum, milli Skaftafells og Hafnar í Hornafirði og á sunnanverðum Austfjörðum. Aðstæður geta því verið varasamar fyrir ökutæki og tengivagna sem taka á sig mikinn vind. „Áfram má búast við hvössum vindhviðum á þessum svæðum á morgun, laugardag,“ segir í orðsendingu frá Vegagerðinni.