Bandaríkja­stjórn hefur sent frá sér yfir­lýsingu vegna þjóðar­at­kvæða­greiðslunnar á Ís­landi á laugar­dag, þar sem kosið var um hvort hefja ætti að nýju aðildar­viðræður við Evrópu­sam­bandið. Í yfir­lýsingunni segir að Bandaríkin taki niður­stöðu kosninganna til eftir­tektar og virði full­valda ákvörðun ís­lensku þjóðarinnar. Jafn­framt lýsir bandaríska utan­ríkis­ráðu­neytið trausti á því að Ís­land haldi áfram á sömu braut sem sterkur og mikilvægur banda­maður innan At­lants­hafs­banda­lagsins og náinn sam­starfsaðili Bandaríkjanna og Evrópu. „Við virðum full­valda ákvörðun ís­lensku þjóðarinnar,“ segir í yfir­lýsingunni. Bandaríkja­stjórn segist jafn­framt hlakka til að styrkja sam­starfið við Ís­land enn frekar á fjölmörgum sviðum. Þar eru sér­stak­lega nefnd öryggis­mál, orkumál, nýsköpun, efna­hags­tengsl og menningar­sam­starf. Mark­miðið sé að efla sam­eigin­lega sýn ríkjanna á frið og hagsæld. Yfir­lýsingin var birt af skrif­stofu tals­manns bandaríska utan­ríkis­ráðu­neytisins á sunnu­dag, daginn eftir þjóðar­at­kvæða­greiðsluna.