Slökkvilið höfuðborgarsvæðisins sendi dælubíla til Hafnarfjarðar um 16 vegna tilkynningar um eld og reyk á neðri hæð inni í íbúðarhúsi. Upphaflega héldu dælubílar frá fjórum slökkvistöðvum á vettvang. Tveimur þeirra var snúið við þar sem umfangið virtist ekki mikið. Þetta staðfestir Gunnar Vilhjálmsson, aðstoðarvarðstjóri hjá slökkviliði höfuðborgarsvæðisins. Gunnar segir útkallið hafa reynst tilefnislaust. Enginn eldur hafi fundist í húsinu. Slökkvilið er farið af vettvangi. RÚV / Ragnar Visage Fréttin hefur verið uppfærð.