Geðveik mamma eru nýir hlaðvarpsþættir í Spilara RÚV um mæður, geðsjúkdóma og sögurnar sem fjölskyldur segja, eða segja ekki. Hera Guðmundsdóttir fléttar saman sögu langömmu sinnar sem send var á Klepp um miðja tuttugustu öldina, eigin reynslu af geðhvörfum og samtímasögum mæðra sem lifa með geðsjúkdómum. Hera kíkti í Morgunútvarpið á Rás 2 og sagði þeim Guðrúnu Dís Emilsdóttur og Atla Fannari Bjarkasyni frá þáttunum. Það er um ár síðan Hera settist niður með ömmu sinni og byrjaði að taka við hana viðtöl. Þar kom ýmislegt upp úr dúrnum sem hún hafði engum sagt áður. „Sem hún byrjaði að deila með mér í þessum spjöllum okkar. Enginn hafði spurt og af því þetta var ekki tilefni til að tala um þetta“ segir Hera. Hún veit ekki hvernig langamma hennar upplifði að vera með geðsjúkdóm en segir ljóst að tíðarandinn hafi verið annar. Fólk vakti ekki máls á geðsjúkdómum í þá daga, þeir voru ekki í umræðunni. „Við vorum náttúrlega ekki að bera svona hluti á borð. Þá var enginn gulur september,“ tekur Hera sem dæmi. Hera Guðmundsdóttir fléttar saman sögu langömmu sinnar sem send var á Klepp um miðja tuttugustu öldina, eigin reynslu af geðhvörfum og samtímasögum mæðra sem lifa með geðsjúkdómum í nýjum hlaðvarpsþáttum. Þegar Hera sjálf veiktist fékk hún spurningar um hvort einhver í fjölskyldu hennar væri með geðsjúkdóm, hvort það væri saga í ættinni. Þá fór hún að skoða sjálfa sig og sögu fjölskyldu sinnar og myndin fór að skýrast. Ég var líka að reyna að setja saman, finna púsl og reyna að skilja mig. Óhjákvæmilega hafi hún byrjað að bera saman aðstæður sínar í dag, og aðstæðurnar þá. Svo er þetta kómískt á mjög svartan hátt að bæði mín dóttir og amma hafi báðar verið fjögurra ára þegar við veikjumst, mömmurnar. Það er erfitt að komast hjá því að spyrja þessara spurninga, að vera forvitinn um þetta. Tilurð þáttanna er meistaraverkefni Heru í menningarmiðlun við Háskóla Íslands. „Það sem ég var að skoða í ritgerðinni, greinargerðinni, var mengið sem er geðveikin og ímynd hennar. Mengið sem er móðurhlutverki ð eða ímynd móðurinnar eða innan sviga góðu móðurinnar. Orðin sem við hengjum á þessar tvær ímyndir og hvernig þetta skarast í móður með geðsjúkdóm.“ Hún segir að í þessum tveimur mengjum skarist ýmislegt. „Þetta eru mikið af andstæðum; þetta óstöðuga. Móðirin á að vera þessi klettur og allt þetta stabíla í lífinu,“ nefnir hún sem dæmi. Það var þessi skurðpunktur þarna sem ég var að skoða og þurfti svolítið sjálf að vinna mig í gegnum. Viðtökurnar við þáttunum hafa verið afar góðar. Við amma erum bara ofsalega meyrar eftir allt þetta og þykir ofboðslega vænt um alla sem hafa deilt sínum fjölskyldusögum eftir á. Hera Guðmundsdóttir fléttar saman sögu langömmu sinnar sem send var á Klepp um miðja tuttugustu öldina, eigin reynslu af geðhvörfum og samtímasögum mæðra sem lifa með geðsjúkdómum í nýjum hlaðvarpsþáttum.