Íranska kvennalandsliðið í fótbolta á Asíumótinu í fótbolta 8. mars 2026.EPA / DAVE HUNT Íþróttaráðuneyti Írans hefur staðfest að tvær íranskar fótboltakonur og ein kona úr þjálfarateymi liðsins, sem sóttu um stöðu flóttamanns í Ástralíu, hafi hætt við umsókn sína og ætli að snúa aftur til Írans. Íranska kvennalandsliðið í fótbolta keppti á Asíumótinu í fótbolta í Ástralíu fyrir skömmu. Að lokinni keppni sóttu sex landsliðskonur og ein kona úr þjálfarateymi liðsins um stöðu flóttamanns í Ástralíu. Ein landsliðskonan dró fljótlega umsókn sína til baka. Alls hafa því fjórar konur af sjö dregið umsóknir sínar til baka og snúið aftur til Íran.