Íslenska karlalandsliðið í fótbolta mun mæta Argentínu í vináttuleik í aðdraganda heimsmeistaramótsins í sumar. Leikurinn er liður í undirbúningi Messi og félaga fyrir mótið. Leikið verður í Alabama í Bandaríkjunum 9. júní. Þetta verður lokahnykkur undirbúnings Argentínu fyrir mótið. Ísland og Argentína gerðu eftirminnilegt jafntefli á HM 2018, 1-1. Alfreð Finnbogason skoraði mark Íslendinga í leiknum.EPA Þá mun íslenska liðið fyrst stoppa í Japan þar sem Ísland mætir japanska liðinu 31. maí. Heimsmeistaramótið hefst svo 11. júní.