Halla Tómasdóttir forseti og Björn Skúlason, maki hennar, halda til Svíþjóðar í dag til að taka þátt í hátíðarhöldum í tilefni af áttræðisafmæli Karls Gústafs Svíakonungs á morgun. Karl Gústaf hefur verið konungur frá 1973 og lengst allra þjóðhöfðingja í sögu landsins. Halla og Björn taka þátt í hátíðarmessu í Slottskyrkan á morgun. Að henni lokinni verður afmælisdagskrá haldið áfram í konungshöllinni. Síðdegis býður borgarráð Stokkhólms til hádegisverðar og afmælishátíðinni lýkur með kvöldverði annað kvöld. Allir þjóðhöfðingjar á Norðurlöndum og fleiri þjóðarleiðtogar og gestir verða við hátíðarhöldin. Halla Tómasdóttir forseti.RÚV / Ragnar Visage