Hildur Björnsdóttir, verðandi borgarstjóri og oddviti Sjálfstæðisflokksins, mun leggja til að Ari Edwald, oddviti Miðflokksins, muni taka við stjórnarformennsku hjá Orkuveitu Reykjavíkur. Þetta tilkynnti hún á blaðamannafundi nýs meirihluta Sjálfstæðisflokksins, Viðreisnar og Framsóknar í Viðey. „Síðustu vikur höfum við fengið að kynnast þeim reynslumikla manni sem Ari Edwald er. Mér finnst ekki annað hægt en að nýta hans krafta og reynslu í þágu borgarbúa,“ sagði Hildur. Ari myndi þá taka við hlutverki formanns stjórnar Orkuveitunnar af Gylfa Magnússyni. Gylfi tók við stjórnarformennsku félagsins í desember 2022 og hefur alls setið í stjórninni frá árinu 2011.