Nýr meiri­hluti Sjálf­stæðis­flokks, Viðreisnar og Framsóknar í Reykja­vík vill taka til í Orku­veitu Reykja­víkur og ráðast í eignasölu hjá fyrir­tækinu. Hildur Björns­dóttir, verðandi borgar­stjóri, segir í sam­tali við Vísi að nýr meiri­hluti hafi meðal annars rætt um að selja Ljós­leiðarann og Car­b­fix en standa vörð um grunnþjónustu Orku­veitunnar. „Inni í Orku­veitunni bíða stór og mikil verk­efni. Það þarf að taka til í Orku­veitunni, við viljum ráðast í ákveðna eignasölu, við höfum talað um að selja Ljós­leiðarann og Car­b­fix, standa vörð um grunnþjónustuna, kjarnaþjónustuna, raf­magns­veituna og vatns­veituna,“ segir Hildur við Vísi. Orku­veita Reykja­víkur er að fullu í eigu opin­berra aðila. Reykja­víkur­borg á stærstan hlut í fyrir­tækinu en Akra­nes­kaup­staður og Borgar­byggð eiga einnig hlut. Undir sam­stæðuna falla meðal annars Veitur, Orka náttúrunnar, Ljós­leiðarinn og Car­b­fix. Hildur segir að Ara Edwald, odd­vita Mið­flokksins, verði boðið að taka við sem stjórnar­for­maður Orku­veitunnar. Mið­flokkurinn verður ekki hluti af nýjum meiri­hluta í borginni, en Hildur segir að boðið til Ara sé ekki hugsað sem friðþæging. „Það verður mín til­laga að hann verði stjórnar­for­maður Orku­veitunnar. Það er ekki nein friðþæging, það er bara vegna þess að þarna erum við með reynslu­mikinn mann í fyrir­tækja­rekstri,“ segir Hildur. Sjá einnig Hildur leggur til að Ari verði stjórnarformaður OR Hún segist treysta Ara vel til að sinna verk­efninu, taki hann það að sér. „Hann hefur þessa reynslu sem til þarf og það þarf reynslu­mikla mann­eskju inn í þetta verk­efni, þannig að þótt hann sé í minni­hluta þá ber ég fullt traust til hans, að hann klári þessi verk­efni ef hann tekur þau að sér,“ segir Hildur við Vísi. Sjálf­stæðis­flokkur, Viðreisn og Framsókn kynntu nýjan meiri­hluta í Reykja­vík á blaða­manna­fundi í Viðey í dag. Hildur verður borgar­stjóri sam­kvæmt sam­starfi flokkanna. Hún segir jafn­framt við Vísi að hún hafi reynt að mynda fjögurra flokka meiri­hluta með Mið­flokknum en að það hafi ekki gengið eftir. Viðreisn hafi áður lýst því yfir að of langt væri á milli flokksins og Mið­flokksins til meiri­hluta­sam­starfs. Sjá einnig Svona líta áherslumál nýs meiri­hluta út