Senegal og Írak mættust í lokaumferðinni í I-riðli. Senegal þurfti helst að vinna stórt til að eiga enn möguleika á lengra HM ævintýri. Liðið bretti upp ermar og vann 5-0 stórsigur. Fyrsta markið kom á 4. mínútu og það skráðist sem sjálfsmark Habib Diarra, 1-0 fyrir Senegal. Írak varð manni færri þegar Rebin Sulaka fékk rautt spjald á 13. mínútu. Liðið hélt út fyrri hálfleik en svo komu mörkin á færibandi. Ismaila Sarr kom liðinu í 2-0. Pepe Gueye skoraði tvennu skömmu eftir að hann kom inn á af bekknum, 4-0. Iliman Ndiaye rak svo smiðshöggið á 82. mínútu með fimmta marki Senegala. Senegal er nú með þrjú stig og plús 2 í markatölu. Liðið þarf hins vegar að bíða eftir því að lokaumferðin klárist til þess að vita örlög sín. Írak er hins vegar á leið heim án stiga.