Undanúrslit bikarkeppni karla í fótbolta hefjast í dag og fram undan er stórleikur því Víkingur og Breiðablik munu eigast við á Kópavogsvelli. Víkingur trónir á toppi Bestu deildarinnar með níu stiga forskot á næsta lið og Breiðablik er í fjórða. Liðin mættust í fyrsta leik deildarinnar þar sem 1-1 jafntefli varð niðurstaðan. Stutt er síðan liðin mættust síðast því það var á fimmtudag. Þar voru Víkingar sterkari og unnu 4-1 sigur. Leikur Breiðabliks og Víkinga hefst klukkan 14:00 og verður í beinni á RÚV. Upphitun hefst 30 mínútum fyrir leik. Suður-Afríka í fyrsta sinn í útsláttarkeppni Þá er fyrsti leikur 32-liða úrslita heimsmeistaramótsins í fótbolta einnig á dagskrá. Suður-Afríka komst í fyrsta sinn upp úr riðlakeppninni á HM og liðið mætir nú heimamönnum í Kanada. Suður-Afríka endaði í öðru sæti A-riðils og Kanada í öðru sæti B-riðils. Dagskráin 14:00 Breiðablik – Víkingur (RÚV) 18:30 Stofan (RÚV 2) 19:00 Suður-Afríka – Kanada (RÚV 2) 21:05 HM kvöld (RÚV 2)