Hrafnarnir hlýddu á fréttaskýringa­þátt miðilsins Gímaldsins um hátt matvælaverð hér á ­landi. Þar var meðal annars rætt við Pál ­Gunnar Pálsson, forstjóra Samkeppnis­eftir­litsins, sem ­lýsti því efnislega yfir að þjóðin hefði brugðist sér: „Ég held að sam­félagið hafi ­klikkað,“ ­sagði Páll Gunnar spurður hvers ­vegna matvöruverð hefði ­hækkað jafn ­mikið og raun ber ­vitni. Eins og fram kemur í um­fjöllun Gímaldsins kenna matvöru­risarnir launa­hækkunum um hátt matarverð en forstjóri SKE ­telur að sam­félagið allt hafi brugðist: „Lega ­landsins, sér­stakur gjaldmiðill og tolla­vernd spili inn í, en ekki síður eigi öflug hagsmuna­gæsla matvöru­markaðarins sinn þátt í ­hækkunum. Þá megi lög­gjafinn líta í eigin barm, aðstæður hér á landi ýti undir fákeppni ­frekar en samkeppni. Frekar sé keppt í þjónustu en verði á matvörum.“ Nú þegar ljóst er að þjóð Páls Gunnars hefur ­brugðist forstjóranum telja hrafnarnir einsýnt að annaðhvort verði að ­víkja – þjóðin eða Páll Gunnar. Ýmislegt í umfjöllun Gímaldsins bendir til þess að réttast væri að síðarnefndi kosturinn yrði tekinn. Huginn og Muninn er einn af föstum ritstjórnardálkum Viðskiptablaðsins.