Grein­endur gera ráð fyrir að Arion banki hafi skilað 8,3 milljarða króna hagnaði á öðrum fjórðungi ársins og að arð­semi eigin fjár hafi verið 16,1%. Gangi spáin eftir verður arð­semin vel yfir mark­miði bankans um að hún nemi að lág­marki 13%. Þetta kemur fram í meðal­spá átta grein­enda sem Modular Finance tók saman fyrir Arion banka. Upp­gjör bankans fyrir annan árs­fjórðung verður birt mið­viku­daginn 29. júlí. Sam­kvæmt meðal­spánni námu hreinar vaxta­tekjur Arion 15 milljörðum króna á fjórðungnum og hreinn vaxta­munur var 3,49%. Heildar­tekjur bankans eru taldar hafa numið 20,4 milljörðum króna. Vaxta­tekjur eru því áfram helsti burðar­ásinn í af­komu bankans. Hátt vaxta­stig og verðbólgu­um­hverfi hafa stutt við vaxta­mun bankanna undan­farin misseri, þótt vaxta­munur Arion sé sam­kvæmt spánni lægri en á fyrsta fjórðungi ársins. Rekstrar­kostnaður Arion er áætlaður 7,2 milljarðar króna á fjórðungnum. Kostnaðar­hlut­fall bankans, miðað við kjarna­tekjur, er spáð 38,9%. Það gefur til kynna að kostnaður vegi nokkuð þyngra í tekju­myndun bankans en á sama tíma í fyrra. Hagnaður á hlut er áætlaður 6,02 krónur sam­kvæmt meðal­spánni. Miðað við 8,3 milljarða króna hagnað verður niður­staðan þó nokkuð lakari en á öðrum fjórðungi síðasta árs, þegar Arion skilaði rúm­lega 10 milljarða króna hagnaði og arð­semi var nærri 20%. Spáin bendir engu að síður til þess að undir­liggjandi rekstur bankans sé áfram sterkur. Gert er ráð fyrir að Arion skili arð­semi langt um­fram eigið mark­mið, þrátt fyrir hærri rekstrar­kostnað og væntingar um að af­koman verði ekki jafn sterk og á sama tíma­bili í fyrra. Hluta­bréf Arion hafa gefið lítil­lega eftir að undan­förnu. Gengi bankans var 183,5 krónur á hlut í dag.