Guð­mundur Marteins­son, stjórnar­maður í Brim, keypti í dag 110 þúsund hluti í út­gerðarfélaginu, sam­kvæmt til­kynningu til Kaup­hallarinnar. Hlutirnir voru keyptir á genginu 89,5 krónur á hlut og nam heildar­kaup­verðið því 9.845.000 krónum. Bréf Brims lokuðu í 89,5 krónum í Kaup­höllinni í gær og voru kaupin því gerð á sama gengi og dagsloka­gengi félagsins. Samkvæmt síðast birtum upplýsingum átti Guðmundur 74 þúsund hluti í Brim áður en hann tók sæti í stjórn félagsins í mars. Engin önnur viðskipti hans með bréf félagsins hafa verið tilkynnt síðan. Eftir kaupin á hann því 184 þúsund hluti. Miðað við dagsloka­gengið er eignar­hluturinn metinn á tæp­lega 16,5 milljónir króna. Guð­mundur kom inn í stjórn Brims á aðal­fundi félagsins í mars. Hann tók þar sæti Magnúsar M.S. Gústafs­sonar, sem hafði setið í stjórn frá árinu 2018 en sóttist ekki eftir endur­kjöri. Aðeins fimm fram­boð bárust í stjórnarsætin fimm og var Guð­mundur því sjálf­kjörinn. Sjá einnig Guðmundur á leið í stjórn Brims Hann tók þar sæti Magnúsar M.S. Gústafs­sonar, sem hafði setið í stjórn frá árinu 2018 en sóttist ekki eftir endur­kjöri. Aðeins fimm fram­boð bárust í stjórnarsætin fimm og var Guð­mundur því sjálf­kjörinn. Guð­mundur starfaði hjá Bónus á árunum 1992 til 2024 og var lengst af fram­kvæmda­stjóri verslunar­keðjunnar. Hann lét af störfum hjá félaginu árið 2024. Við­skipta­blaðið greindi frá því í mars að hluta­bréfa­eign hans í Brim næmi þá 74 þúsund hlutum, að markaðsvirði um 6,1 milljón króna miðað við þáverandi gengi. Sjá einnig Kveður Bónus með stolti