Ingibjörg SH 112 er nýkomin til landsins frá Noregi þar sem hún var smíðuð 2014. Hingað kemur hún frá Lofoten og hét þá Laurits H. Ingibjörg SH er 14,9 metrar á lengd, 6,3 metrar á breidd og 45,6 brúttótonn. Báturinn er hannaður fyrir snurvoð, línu og nót. Eigandi Ingibjargar SH er Breiðavík ehf. og heimahöfnin er Ólafsvík. Á samsettu myndinni hér að ofan má sjá Ingibjörgu SH á siglingu úti fyrir Hólmsbergi á leið sinni inn til Njarðvíkur í síðustu viku.