Ávöxtunar­krafa í ríkis­víxlaút­boði í gær gefur til kynna að fjár­festar geri ráð fyrir að vextir geti hækkað meira en einu sinni á næstu mánuðum. Febrúar­víxlar ríkis­sjóðs fóru á 8,15% ávöxtunar­kröfu. Sú krafa bendir til þess að markaðurinn verð­leggi bæði vaxta­hækkun Seðla­bankans á morgun og mögu­leika á frekari hækkunum síðar á árinu. Það er at­hyglis­vert í ljósi þess að í ný­legri könnun á væntingum markaðsaðila kom fram að þeir gera að jafnaði ráð fyrir að vaxtalækkanir hefjist strax á fyrsta árs­fjórðungi 2027. Markaðurinn virðist því gera ráð fyrir að vextir geti fyrst þurft að fara hærra áður en lækkunar­ferli hefst. Há krafan skýrist þó ekki ein­göngu af væntingum um stýri­vexti. Fjár­mögnunarþörf ríkis­sjóðs á næstu mánuðum getur einnig haft áhrif. Að loknu út­boðinu stendur útistandandi staða ríkis­víxla í tæpum 160 milljörðum króna. Sjóðs­staða ríkisins í krónum nam 77,5 milljörðum sam­kvæmt síðustu upp­lýsingum, en ríkis­víxlar sem falla á gjald­daga í ágúst og septem­ber og RIKB 26, sem fellur á gjald­daga í október, nema saman­lagt um 123 milljörðum króna. Ríkis­sjóður þarf því að endur­fjár­magna um­tals­verðar fjár­hæðir á skömmum tíma. Það eykur fram­boð ríkis­pappíra og getur orðið til þess að ríkið þurfi að bjóða hærri ávöxtun til að laða að næga eftir­spurn. Krafan á febrúar­víxlana endur­speglar því bæði væntingar um peninga­stefnuna og þá stað­reynd að ríkis­sjóður þarf að sækja tals­vert fjár­magn á markað á næstu mánuðum.