Ávöxtunar­krafa ís­lenskra ríkis­skulda­bréfa hefur lækkað frá síðustu vaxtaákvörðun Seðla­banka Ís­lands, mest á styttri endanum á ávöxtunar­kúrfunni. Þetta kemur fram í gögnum frá markaðsvið­skiptum Arion banka. Krafa á óverð­tryggða ríkis­bréfið RIKB 29, sem er með um 2,4 ára meðaltíma, stendur nú í 7,79%. Hún hefur lækkað um 16 punkta frá síðustu vaxtaákvörðun. Hreyfingin hefur verið mun minni á lengri endanum. Krafa á RIKB 42, sem er með um 10,6 ára meðaltíma, stendur í 6,77% og hefur lækkað um 4 punkta frá vaxtaákvörðuninni. Ávöxtunar­kúrfan er því áfram hallandi niður, þar sem krafa á styttri ríkis­bréfum er hærri en á lengri bréfum. Það samræmist væntingum markaðarins um að vextir verði lægri þegar lengra er horft fram á við. Verðbólguálag á skulda­bréfa­markaði er á sama tíma undir 4%. Miðað við RIKS 29 stendur það í 3,67% en á lengri endanum, miðað við RIKB 42, í 3,73%. Mesta breytingin frá síðustu vaxtaákvörðun hefur því orðið á styttri ríkis­vöxtum. Þar hefur ávöxtunar­krafan lækkað greini­lega á meðan langtíma­vextir hafa reynst mun tregari til lækkunar. Þróunin bendir þannig til þess að markaðurinn sé farinn að verð­leggja eitt­hvað meiri líkur á vaxtalækkunum síðar, þótt langi endi vaxtakúrfunnar hafi lítið hreyfst.