Sía fréttalista Sía eftir dagsetningu mm . dd . áááá – mm . dd . áááá Innlent Erlent Menning og dægurmál Íþróttir Fyrir 35 mínútumINNLENDAR FRÉTTIR Matvælastofnun Vara við skor­dýr­um í chia-fræjum frá Costco Hugrún Hannesdóttir Diego Skordýr fundust í krukku af chia-fræjum sem eru til sölu í verslun Costro í Garðabæ. Matvælastofnun varar neytendur við einni framleiðslulotu, merktri lotunúmeri CH268X, frá sænska fyrirtækinu Trevissan. Costco hefur í samráði við Heilbrigðiseftirlit Garðabæjar, Hafnarfjarðar, Kópavogs, Mosfellsbæjar og Seltjarnarness innkallað vöruna. Aðsend Fyrir 8 mínútumINNLENDAR FRÉTTIR Stjórnsýsla Guð­mund­ur Fertram verður er­ind­reki hjá Hring­borði Norð­ur­slóða Hugrún Hannesdóttir Diego Guðmundur Fertram Sigurjónsson, stofnandi Kerecis, verður sérlegur erindreki fjárfestinga og viðskipta hjá Hringborði Norðurslóða, eða Arctic Circle. Þetta kemur fram í tilkynningu frá Hringborði Norðurslóða. „Í því hlutverki mun hann stuðla að auknum fjárfestingum, viðskiptum og frumkvöðlastarfsemi á Norðurslóðum fyrir fjárfesta, fyrirtæki og frumkvöðla,“ segir í tilkynningunni. Viðskiptaþing Hringborðs Norðurslóða, Arctic Circle Business Forum, verður haldið í október. Fyrr í ágúst var greint frá því að Guðmundur hefði verið skipaður í nýja stöðu innan Coloplast sem keypti Kerecis á 175 milljarða króna árið 2023. RÚV / Ragnar Visage Fyrir 40 mínútumERLENDAR FRÉTTIR Nepal Átján látin og hund­raða saknað eftir skyndi­flóð Óvissa ríkir um afdrif hundraða eftir að hamfaraflóð ruddist niður fjalladali í Nepal. Átján hafa fundist látnir. Fyrir 1 tímaINNLENDAR FRÉTTIR Grindavíkurbær Grinda­vík á vara­afli eftir raf­magns­leysi Hugrún Hannesdóttir Diego Rafmagni hefur verið komið aftur á í Grindavík eftir útleysingu í gær. Rafmagnslaust varð á hluta Suðurnesja sídegis í gær eftir að þrjár háspennulínur Landsnets leystu út. Það voru Svartsengislínur 1 og 2 auk Njarðvíkurlínu. Í tilkynningu Landsnets í morgun segir að varaaflsvélum hafi verið komið fyrir í Grindavík og rafmagn komið aftur á. RÚV Fyrir 1 tímaINNLENDAR FRÉTTIR Dýravelferð Tvö­falt fleiri andvíg loð­dýra­rækt en hlynnt Mun fleiri lýsa sig andvíg loðdýrarækt á Íslandi en hlynnt henni í nýrri skoðanakönnun Maskínu fyrir Samtök um dýravelferð. Fyrir 1 tímaERLENDAR FRÉTTIR Svíþjóð Annar hand­tek­inn vegna sverð­a­árás­ar í Sví­þjóð Lögreglan í Svíþjóð hefur handtekið annan mann vegna sverðaárásarinnar í Fagersta í Svíþjóð. Sá hefur ekki tengsl við skólann sem árásin var framin í. Fyrir 2 tímumINNLENDAR FRÉTTIR Dómstólar Týndi tösku með 16 kílóum af mari­jú­ana Brynjólfur Þór Guðmundsson Erlendur karlmaður sem flaug hingað með rúm 16 kíló af marijúana í lok júlí var í gær dæmdur til sex mánaða fangelsisvistar. Fíkniefnin fundust í ferðatösku hans. Ferð mannsins til Íslands gekk ekki áfallalaust fyrir sig. Hann kom hingað frá Frankfurt í Þýskalandi 30. júlí og tilkynnti skömmu eftir komuna að taskan væri týnd. Hún kom til landsins síðar sama dag. Maðurinn sótti hana þá í farangursþjónustu á flugvellinum. Ekki tókst betur til en svo að hann var handtekinn. Hann er talinn hafa tekið smyglið að sér gegn greiðslu. Í öðrum dómi í gær voru tveir dæmdir fyrir smygl á ellefu kílóum af marijúana. Hvor um sig fékk fimm mánaða dóm. Örtröð á Keflavíkurflugvelli í sumar. Safnmynd. Mynd / Aðsend Fyrir 2 tímumERLENDAR FRÉTTIR Pakistan Hvít­voð­ung­ar létust í elds­voða á spít­ala í Pakist­an Að minnsta kosti 14 ungbörn létust í eldsvoða á spítala í Islamabad í Pakistan. Einu barni var bjargað. Fyrir 2 tímumINNLENDAR FRÉTTIR Austurland „Af hverju þarf fólk alltaf að deyja til þess að eitt­hvað sé skoðað?“ Leiðsögumaður sem varð vitni að banaslysi í Stuðlagili á mánudag segir öryggi á svæðinu ábótavant. Hún segir það með ólíkindum að fólk þurfi að deyja til þess að það komi til skoðunar að gera frekari öryggisráðstafanir við gilið. Fyrir 3 tímumINNLENDAR FRÉTTIR Efnahagsmál Mis­vís­andi mæl­ing­ar um þróun at­vinnu­leys­is Atvinnuleysi jókst talsvert milli júní og júlí samkvæmt vinnumarkaðsrannsókn Hagstofunnar. Á sama tíma var skráð atvinnuleysi hjá Vinnumálastofnun óbreytt. Fyrir 3 tímumINNLENDAR FRÉTTIR Sjávarútvegur Eggert skip­að­ur for­stjóri Hafró Brynjólfur Þór Guðmundsson Eggert Benedikt Guðmundsson verður forstjóri Hafrannsóknastofnunar næstu fimm árin. Þetta varð ljóst þegar Hanna Katrín Friðriksson atvinnuvegaráðherra skipaði hann í embættið. Eggert er ekki ókunnugur þessu hlutverki því hann hefur verið starfandi forstjóri Hafró síðan í október. Eggert var forstjóri HB Granda 2005 til 2012 og forstjóri N1 2012 til 2015. Hann var síðar forstjóri eTactica og ráðgjafi hjá Icecure. Frá 2022 til 2025 var Eggert leiðtogi á sviði sjálfbærrar þróunar í forsætisráðuneytinu og þar áður forstöðumaður Grænvangs, samstarfsvettvangs stjórnvalda og atvinnulífs um loftslagsmál og grænar lausnir. Eggert Benedikt Guðmundsson. RÚV / Ragnar Visage Fyrir 4 tímumERLENDAR FRÉTTIR Alþjóðamál „Augun fimm“ bein­ast að hættum og tæki­fær­um gervi­greind­ar Fulltrúar fimm ríkja sem deila með sér upplýsingum um öryggis- og leyniþjónustumál hittust í Ástralíu. Þeir ræddu hvernig nota mætti gervigreind til að sporna við hryðjuverkum og skipulagðri glæpastarfsemi. Fyrir 4 tímumINNLENDAR FRÉTTIR Rangárþing ytra Stracta-hót­el­in sett á sölu­lista Eigandi Stracta-hótelanna á Hellu ætlar að selja þau. Uppi eru áform um að nærri tvöfalda herbergjafjölda hótelanna. Fyrir 4 tímumERLENDAR FRÉTTIR Alþjóðamál Yf­ir­mað­ur CIA á fundi í Moskvu Yfirmaður bandarísku leyniþjónustunnar CIA flaug frá Bandaríkjunum til fundar í Moskvu í gær. Ekkert hefur verið gefið upp hvern hann hitti eða hvert tilefni fundarins var. Fyrir 4 tímumERLENDAR FRÉTTIR Stríð í Mið-Austurlöndum Segir að búið sé að fjar­lægja eða gera óvirk öll tund­ur­dufl í Hormúss­undi Bandaríkjaforseti segir að bandaríski herinn sé búinn að fjarlægja eða gera óvirk öll tundurdufl í Hormússundi. Yfirvöld í Íran og Óman leita lausna til að opna siglingaleið um Hormússund. Fyrir 4 tímumINNLENDAR FRÉTTIR Dómstólar Tveir í fang­elsi fyrir smygl á mari­jú­ana Brynjólfur Þór Guðmundsson Héraðsdómur Reykjaness dæmdi í gær tvo bandaríska ríkisborgara á þrítugsaldri til fimm ára fangelsisvistar. Þeir voru staðnir að því að reyna að smygla ellefu kílóum af marijúana til landsins. Efnið var í farangurstösku annars mannanna þegar þeir komu með flugi frá Denver í Bandaríkjunum. Báðir játuðu sök. Ljóst þótti að þeir ættu ekki efnin. Þess í stað hefðu þeir tekið að sé að flytja þau gegn greiðslu. Mennirnir voru handteknir á Keflavíkurflugvelli 19. júlí og úrskurðaðir í gæsluvarðhald degi síðar. Það kemur til frádráttar fimm mánaða fangelsisrefsingu hvors um sig. Mennirnir voru handteknir á Keflavíkurflugvelli. RÚV / Ragnar Visage Fyrir 5 tímumMENNING OG DÆGURMÁL Mannlíf Ólst upp í fátækt og taldi sig heimska en dúxaði og er doktor í sál­fræði Kristjana Þórarinsdóttir, sálfræðingur og eldabuska, býr með eiginmanni og börnum auk þess að hafa verið með fósturbörn á heimilinu. Sjálf er hún alin upp við erfiðar aðstæður og skort og sér til þess að heimilið sé fullt af mat, samveru og ást. Fyrir 5 tímumMENNING OG DÆGURMÁL Bandaríkin Lést eftir bar­áttu við krabba­mein Dolly Parton glímdi við krabbamein og var lögð inn á sjúkrahús nokkrum dögum áður en hún lést Hún aflýstu nokkrum viðburðum síðasta árið vegna heilsubrests. Fyrir 5 tímumINNLENDAR FRÉTTIR Veður Hægur vindur og stöku skúrir Það blæs nokkuð vestast á Vestfjörðum í dag en annars verður fremur hægur vindur á landinu. Skýjað með köflum og stöku skúrir á víð og dreif. Fyrir 5 tímumÍÞRÓTTIR Golf Tók tíma að átta sig á af­rek­inu Kylfingurinn Óliver Elí Björnsson úr Keili segir rosalegt að vita til þess að hann sé á lista með mörgum af bestu kylfingum heims, yfir þá sem unnið hafa Opna breska áhugamannamótið í piltaflokki. Hann stefnir hátt. Fyrir 5 tímumINNLENDAR FRÉTTIR Lögreglumál Bíll óöku­fær eftir um­ferð­ar­óhapp Engin slys urðu á fólki í umferðaróhappi í Reykjavík í gær eða nótt. Bíll ökumannsins er hins vegar óökufær eftir óhappið. Lögreglan á höfuðborgarsvæðinu hafði nokkur afskipti af ökumönnum í gærkvöld og nótt sem stöðvaðir voru fyrir ýmis brot. Fyrir 7 tímumINNLENDAR FRÉTTIR Þjóðaratkvæði um ESB-viðræður Að­ild­ar­við­ræð­ur gætu tekið upp undir tvö ár Það er mat stjórnvalda að hægt væri að ljúka aðildarviðræðum á einu og hálfu til tveimur árum, ef Íslendingar segja já á laugardag. Ef niðurstaðan verður nei hefjast aðildarviðræður ekki á ný. Fyrir 8 tímumERLENDAR FRÉTTIR Ástralía Lög­regla leitar stór­tækra ostru­þjófa Brynja Dögg Friðriksdóttir Ostrur þykja mikill herramannsmatur. EPA / TERESA SUAREZ Lögregluyfirvöld í New South Wales leita þjófa sem rændu ostrum frá ostrueldi nærri Taree, norður af Sydney í Ástralíu. Þjófarnir rændu yfir 300 pokum með um 400 þúsund ostrum og er verðmæti þeirra metið á 350.000 ástralska dali eða um 30,4 milljónir íslenskra króna. Þjófnaðurinn átti sér stað fyrr á þessu ári. Lögregluyfirvöld greindu þó fyrst frá þjófnaðinum í gær og óskuðu eftir hvers kyns upplýsingum frá almenningi varðandi ránið. Ostrur eru vinsælar á matseðlum veitingastaða í Ástralíu og staðbundnar tegundir eru þekktar fyrir einstakt bragð. Fyrir 9 tímumERLENDAR FRÉTTIR Loftslagsmál Neyð­ar­ástandi vegna þurrka lýst yfir í þremur löndum Mið-Am­er­íku Yfirvöld í El Salvador, Hondúras og Panama hafa lýst yfir neyðarástandi vegna mikilla þurrka undanfarið. Þurrkarnir eru raktir til veðurfyrirbærisins El Niño. 26. ágúst 2026 kl. 1:12INNLENDAR FRÉTTIR Samgöngur Búast má við töfum á umferð vegna mal­bik­un­ar­fram­kvæmda Malbikunarframkvæmdir eru ráðgerðar á Vesturlandi, Reykjanesbraut og Miklubraut á næstunni. Framkvæmdirnar taka mislangan tíma en vegfarendur geta búist við einhverjum töfum og hraðatakmörkunum meðan á þeim stendur. 25. ágúst 2026 kl. 23:04ERLENDAR FRÉTTIR Popptónlist Arnar Eggert: „Risi er fall­inn“ Dolly Parton náði að knýja fram einstaka stöðu í karllægum heimi popptónlistarinnar, segir Arnar Eggert Thoroddsen tónlistarfræðingur. Hann segir risa vera fallinn. 25. ágúst 2026