Stjarnan ehf., rekstraraðili Subway, hagnaðist um 271 milljón króna á síðasta ári, samanborið við 226 milljóna hagnað árið 2024. Rekstrartekjur félagsins námu tæplega 2,6 milljörðum króna og jukust um 12% milli ára. Nýir staðir voru opnaðir í Mosfellsbæ og Borgarnesi og voru þeir 16 í árslok. Eignir Stjörnunnar námu 790 milljónum króna í árslok, eigið fé jókst úr 355 milljónum í 626 milljónir og stjórn leggur til að enginn arður verði greiddur á árinu 2026. Skúli Gunnar Sigfússon er eigandi félagsins. Lykiltölur / Stjarnan ehf. 2025 2024 Tekjur 2.583 2.314 Eigið fé 626 355 Eignir 790 495 Afkoma 271 226 Í milljónum króna. Fréttin birtist fyrst í Viðskiptablaðinu sem kom út 26. ágúst.