Ungverjaland og Þýskaland eru komin áfram í 8-liða úrslit HM kvenna í körfubolta eftir sigra sína í dag. Ungverjaland 84-63 Japan Þýskaland 91-56 Suður-Kórea Fyrri hálfleikur Ungverja og Japana var nokkuð jafn og munaði einungis um þriggja stiga körfu Ungverjans Agnes Studer á lokasekúndunni að honum loknum, 37-34. Seinni hálfleikur varð aldrei jafn spennandi og Ungverjaland vann nokkuð sannfærandi. Ungverjaland mætir Bandaríkjunum í 8-liða úrslitum á miðvikudag. Eftir um sex mínútur í leik Þýskalands og Japan var allt jafnt, 11-11, en þá settu heimakonur í Þýskalandi í annan gír og voru mun sterkari það sem eftir lifði leiks. Munurinn að lokum var í 35 stigum, 91-56, og Þýskaland mætir ríkjandi Evrópumeisturum Belgíu á miðvikudag. Umspilinu lýkur á morgun með seinni tveimur leikjunum sem verða báðir sýndir beint á RÚV 2: 15:45 Púertó Ríkó - Kína 18:45 Ítalía - Ástralía