Rósa Björk Brynjólfsdóttir segir strembinn tíma fram undan en að flokkurinn sé reiðubúinn að fylla tómarúm á vinstri vængnum. Fyrsta verkefnið sé hins vegar að undirbúa framboð til sveitarstjórnarkosninga. Flokkurinn Flokkurinn datt út af þingi og hefur mælst með lítið fylgi í skoðanakönnunum. Fylgi Vinstrisins, sameiginlegs framboðs VG og Vors til vinstri, mældist 8,7% í Reykjavíkurborg í Gallup-könnun sem gerð var fyrir Viðskiptablaðið í febrúar. „Við erum bjartsýn um framhaldið,“ segir Rósa. „Eina leiðin er upp á við og við erum búin að sýna það í Reykjavík. Þar höfum við verið aðilar að öflugu framboði.“ Rósa sagði í ræðu sinni að hægri slagsíða hefði myndast í íslenskum stjórnmálum og segir Vinstri græn tilbúin að fylla tómarúm á vinstri vængnum.