Atvinnuleitarmiðillinn Alfreð hagnaðist um 147 milljónir króna í fyrra en árið áður nam hagnaðurinn 122 milljónum. Tekjur námu 646 milljónum og drógust lítillega saman milli ára. Rekstrargjöld námu 460 milljónum, sem er um 7,8% samdráttur frá fyrra ári. Eignir voru bókfærðar á 446 milljónir um áramótin og eigið fé nam 348 milljónum. Stjórn leggur til að 150 milljónir verði greiddar í arð vegna rekstrarársins. Vernharður Reynir Sigurðsson og Halldór Friðrik Þorsteinsson eiga hvor um sig 48% hlut í fyrirtækinu. Lykiltölur / Alfreð ehf. 2025 2024 Tekjur 646 654 Eigið fé 348 296 Eignir 446 397 Afkoma 147 122 - í milljónum króna Fréttin birtist fyrst í Viðskiptablaðinu .