Hvalveiðivertíðin er hafin og í nótt verður tveimur fyrstu langreyðunum landað í Hvalfirði sem veiddir hafa verið við Ísland frá 2023. Það var Hvalur 9 sem veiddi hvalina síðustu nótt. RÚV hefur það eftir Daníel Jónssyni, stöðvarstjóra hjá Hval hf., að vel hafi gengið að veiða dýrin. Samkvæmt ráðgjöf Hafrannsóknastofnunar má veiða ekki fleiri en 150 langreyðar og 168 hrefnur á þessu ári. Bæði Hvalur 8 og Hvalur 9 héldu til veiðanna á föstudagskvöld.