Framundan eru síðustu tveir leikirnir í fyrri umferð undankeppni HM og mætir Ísland Ítalíu á fimmtudag og svo Bretlandi í Manchester á sunnudag. 3 efstu lið riðilsins fara áfram í næstu umferð og er Ísland sem stendur í 3. sæti stigi á undan Bretlandi. Martin Hermannsson er aftur með íslenska liðinu, en hann var meiddur í síðustu leikjum. Hann verður 32 ára í haust og segist vera farinn að finna fyrir árunum, þó þau séu ekki mörg. Martin varð Þýskalandsmeistari með Alba Berlín í síðustu viku. Þetta var í annað sinn sem hann fagnar þeim titli með Alba en í ár vann liðið Bayern München í hreinum úrslitaleik í München. Martin ræddi hvernig það hefur verið að snúa aftur í landsliðið eftir fögnuðinn síðustu daga.