Bæði Víkingur og Valur eru í þröngri stöðu í Evrópu eftir leiki sína í kvöld. Víkingur tapaði 3-0 í Sviss fyrir Thun í fyrri leik liðanna í 3. umferð Evrópudeildarinnar. Liðin mætast þó að nýju á Íslandi í næstu viku og þar þurfa Víkingar að vinna til baka þrjú mörk ætli þeir sér í lokaumferð forkeppninnar fyrir Evrópudeildina. Ellegar fara þeir í lokaumferð forkeppni Sambandsdeildarinnar. Ólíklegt er að Valur komist í 4. umferð Sambandsdeildarinnar því Valsmenn töpuðu 2-0 á heimavelli fyrir danska liðinu Nordsjælland í 3. umferðinni í kvöld. Valur á svo eftir að spila seinni leikinn en þá á danskri grundu.