Fleiri íbúðir eru nú til sölu á Ís­landi en nokkru sinni frá því gagnasöfnun hófst árið 2017. Þetta kemur fram í Peninga­málum Seðla­banka Ís­lands sem komu út í dag sam­hliða ákvörðun peninga­stefnu­nefndar um að hækka megin­vexti um 0,25 pró­sentur, í 8%. Í Peninga­málum segir að um 6.400 íbúðir hafi verið til sölu í ágúst og að fram­boðið hafi aldrei verið meira frá því mælingar hófust í nóvember 2017. Við­skiptum hefur jafn­framt fækkað veru­lega. Kaup­samningum fækkaði um 14% fyrstu sjö mánuði ársins miðað við sama tíma­bil í fyrra, eftir tæp­lega 12% fækkun á öllu síðasta ári. „Meðal­birgðatíminn hefur því lengst það sem af er ári og mældist hann tæp­lega 8 mánuðir í júlí. Birgðatími nýrra íbúða er þó tals­vert lengri eða um 15 mánuðir,“ segir í Peninga­málum. Seðla­bankinn bendir jafn­framt á að aukinni sölutregðu nýrra íbúða virðist ekki hafa verið mætt með um­tals­verðri lækkun ásetts verðs. Íbúða­markaðurinn kólnar hratt Raun­verð íbúða hefur lækkað milli ára í tólf mánuði sam­fleytt og árs­hækkun íbúða­verðs hefur ekki verið minni í þrjú ár. Íbúða­markaðurinn hefur kólnað veru­lega að undan­förnu, sam­kvæmt nýjum Peninga­málum Seðla­banka Ís­lands sem komu út í dag. Íbúða­verð á landinu hækkaði um 1,6% milli ára í júlí og hefur árs­hækkunin ekki verið minni síðan í júlí 2023. Þegar tekið er til­lit til verðbólgu hefur þróunin verið enn veikari. „Raun­verð íbúða lækkaði um 3,5% milli ára í júlí og hefur árs­breytingin nú verið neikvæð sl. tólf mánuði,“ segir Seðla­bankinn. Á sama tíma hefur fram­boð íbúða aukist mikið og kaup­samningum fækkað. Seðla­bankinn gerir ráð fyrir að áfram dragi úr hækkun húsnæðis­verðs það sem eftir lifir árs og að raun­verð haldi áfram að lækka lítil­lega milli ára næstu tvö ár.