Fyrri leikur Víkings og Borac í Sambandsdeildarumspilinu var spilaður í Fossvoginum í kvöld og gestirnir frá Banja Luka reyndust sterkari frá byrjun. Þeir komust í 2-0 á skömmum tíma eftir að Luka Juricic og Milos Jojic skoruðu á 21. og 23. mínútu og þannig stóð í hálfleik. Gylfi Þór Sigurðsson minnkaði muninn fyrir Víking í 2-1 með marki úr vítaspyrnu en Luka Juricic kom Boruc aftur tveimur mörkum yfir þegar hann skoraði annað mark sitt í leiknum. Það kom á 86. mínútu og leiknum lauk með 3-1 sigri gestanna. Fyrir vikið er ljóst að Víkingur þarf þriggja marka sigur í Bosníu í næstu viku til að komast í deildarkeppni Sambandsdeildar Evrópu.