Handboltavertíðin á Íslandi hefst formlega í kvöld þegar leikið verður í Meistarakeppni HSÍ. Valur og Haukar mætast í Meistarakeppninni í kvöld. Klukkan 18:00 mætast kvennalið félaganna og klukkan 20:15 mætast karlaliðin. Við sama tækifæri var spá fyrirliða og þjálfara deildanna kynnt. ÍBV er spáð efsta sætinu í Olísdeild kvenna en Haukum í Olísdeild karla. Spáin fyrir Olísdeild karla: Haukar - 341 stig Valur - 333 stig FH - 315 stig KA - 249 stig Fram - 248 stig Afturelding - 227 ÍBV - 193 stig Þór - 133 stig HK - 112 stig Víkingur - 90 stig Stjarnan - 79 stig Selfoss - 56 stig Spáin fyrir Olísdeild kvenna: ÍBV - 231 stig Haukar - 220 stig Valur - 201 stig Fram - 173 stig ÍR - 131 stig KA/Þór - 109 stig Grótta - 95 stig Stjarnan - 85 stig HK - 78 stig Í deildinni verða þó tíu lið, en lið Selfyssinga vantar á listann. Víkingur átti að leika í deildinni en dró í gær sæti sitt til baka og Selfoss tók sætið. Búið var að vinna spána áður.