Íslandsvinurinn og auðmaðurinn Jim Ratcliffe, forstjóri efnaiðnaðarrisans Ineos, hefur lýst yfir stuðningi við áform Íhaldsflokksins um að afnema kolefnisgjöld sem lögð eru á í gegnum viðskiptakerfi með losunarheimildir. Flokkurinn, undir forystu Kemi Badenoch, segir að með því megi spara olíuhreinsistöðvum og öðrum orkufrekum fyrirtækjum milljónir punda árlega. Kolefnisgjöldin hafa verið gagnrýnd harðlega af iðnaði, sem telur þau grafa undan samkeppnishæfni og draga úr fjárfestingu. Ratcliffe hefur áður sagt að kerfið sé að „drepa iðnað“ í Bretlandi og að fyrirtæki hafi frestað verkefnum vegna kostnaðarins. Þá hafa framleiðendur, meðal annars í sement- og keramikgeiranum, kvartað yfir því að þeir standi verr að vígi en erlendir samkeppnisaðilar sem ekki greiða sambærileg gjöld. Áform um afnám kerfisins hafa þó vakið gagnrýni, meðal annars vegna tekjutaps fyrir ríkissjóð. Talið er að ETS skili um 3 milljörðum punda í tekjur árið 2030 og að afnám þess gæti kostað ríkið um 3,1 milljarð punda. Verkamannaflokkurinn hefur gagnrýnt tillöguna og segir hana ófjármagnaða. Iðnaðarráðherra flokksins kallaði hana „algjört klúður“ og líkti við efnahagsstefnu Liz Truss. Íhaldsflokkurinn segir hins vegar að tekjutapið verði bætt upp með niðurskurði á orkustyrkjum og með því að hverfa frá fyrirhuguðu samstarfi við Evrópusambandið á sviði losunarviðskipta. Ratcliffe hefur jafnframt kallað eftir aukinni nýtingu innlendra olíu- og gaslinda og sagt núverandi stefnu, þar sem Bretland flytur inn orku en takmarkar eigin framleiðslu, bæði efnahagslega og hernaðarlega óskynsamlega. Áform um afnám kerfisins hafa þó vakið gagnrýni, meðal annars vegna tekjutaps fyrir ríkissjóð. Talið er að ETS skili um 3 milljörðum punda í tekjur árið 2030 og að afnám þess gæti kostað ríkið um 3,1 milljarð punda. Orkustyrkir skornir niður Verkamannaflokkurinn hefur gagnrýnt tillöguna og segir hana ófjármagnaða - það er að segja að bæta þurfi ríkinu upp tekjutapið ef áformunum yrði hrint í framkvæmd. Íhaldsflokkurinn segir hins vegar að tekjutapið verði bætt upp með niðurskurði á orkustyrkjum og með því að hverfa frá fyrirhuguðu samstarfi við Evrópusambandið á sviði losunarviðskipta. Ratcliffe hefur jafnframt kallað eftir aukinni nýtingu innlendra olíu- og gaslinda og sagt núverandi stefnu, þar sem Bretland flytur inn orku en takmarkar eigin framleiðslu, bæði efnahagslega og hernaðarlega óskynsamlega.