Hluta­bréf Icelandair héldu áfram að síga í Kaup­höllinni í dag og stóðu í 0,692 krónum á hlut í síðustu við­skiptum fyrir há­degi. Bréfin hafa lækkað um 21,9% síðasta mánuðinn og jafn mikið það sem af er ári. Á einu ári nemur lækkunin um 35%. Kon­ráð S. Guðjóns­son, hag­fræðingur og fyrr­verandi efna­hags­ráðgjafi ríkis­stjórnarinnar, vakti at­hygli á stöðunni á X í morgun og setti markaðsvirði Icelandair í ágætis sam­hengi. „Markaðsvirði Icelandair er núna um ein og hálf Air­bus A321XLR og sam­svarar launa­kostnaði félagsins í u.þ.b. hálft ár. Til mikils að slægjast í kjara­baráttu á þeim bænum,“ skrifar Kon­ráð. Metið á um 28 milljarða Útistandandi hlutir Icelandair eru 41.120.247.172 en sé miðað við síðasta við­skipta­verð, 0,692 krónur á hlut, er markaðsvirði félagsins laus­lega reiknað því um 28,5 milljarðar króna. Hluta­bréfa­verð Icelandair hefur lækkað um ríf­lega fjórðung síðastliðinn mánuð, sem má að stórum hluta rekja til hækkunar elds­neytis­verðs vegna stríðsá­taka í Íran. Hluta­bréfa­verð Icelandair hefur lækkað um ríf­lega fjórðung síðastliðinn mánuð, sem má að stórum hluta rekja til hækkunar elds­neytis­verðs vegna stríðsá­taka í Íran. Þá hefur flug­félagið sakað flug­menn þess um að stunda óform­legar að­gerðir í tengslum við kjara­viðræður við Félag ís­lenskra at­vinnu­flug­manna (FÍA) sem hefur leitt til seinkana og aflýsinga á nokkrum flug­ferðum á síðustu vikum. Bogi Nils Boga­son for­stjóri Icelandair gagn­rýndi þessar að­gerðir harð­lega í tölvupósti sem hann sendi á flug­menn á laugar­daginn eftir að þeir höfðu snið­gengið fund með stjórn­endum flug­félagsins um stöðuna í kjaramálum, eins og Inn­herji greindi frá. Flug­menn. Þar sagði hann óásættan­legt að flug­menn skyldu grípa til „ólög­mætra að­gerða“ í mót­mæla­skyni og að hafna sam­tali. Miðað við núverandi gengi er Icelandair um 31% undir einni krónu á hlut, sem var út­boðs­gengi félagsins í hluta­fjárút­boði árið 2020. Lækkunin kemur þrátt fyrir að rekstrar­tölur félagsins hafi að mörgu leyti sýnt áfram­haldandi eftir­spurn. Icelandair flutti 402 þúsund farþega í apríl, 5% fleiri en í sama mánuði í fyrra, og sætanýting var 82,2%. Fjár­festar virðast þó áfram verð­leggja mikla óvissu um reksturinn. Þar vega meðal annars elds­neytis­kostnaður, sam­keppni, fram­legð, gengisáhætta og viðkvæmni flug­rekstrar fyrir ytri áföllum Sjá einnig Gengi Icelandair aldrei verið lægra