Eitt þekktasta hús mið­borgarinnar, Kirkju­húsið við Lauga­veg 31, hefur verið sett á sölu eftir um­fangs­miklar endur­bætur síðustu ára. Eig­endur segja stefnuna hafa verið að kaupa eldri hús, gera þau upp og selja í kjölfarið. Fast­eignin við Lauga­veg 31, betur þekkt sem Kirkju­húsið, hefur verið aug­lýst til sölu eftir um­fangs­mikla upp­byggingu og endur­nýjun síðustu ára. Kirkju­húsið við Lauga­veg 31. © Aðsend mynd (AÐSEND) Húsið hefur lengi verið eitt af kenni­leitum mið­borgarinnar og gegnt áberandi hlut­verki í verslunar- og menningar­lífi Lauga­vegar. Rúnar Ómars­son, tals­maður eig­enda, segir ástæðu sölunnar vera þá stefnu eig­enda að kaupa eldri hús, gera þau upp og selja í fram­haldinu. Byggt sem stór­verslun á milli­stríðsárunum Kirkju­húsið var reist á árunum 1928 til 1930 af kaup­manninum Marteini Einars­syni, sem rak þar stór­verslun. Húsið þótti á sínum tíma afar glæsi­legt og var byggt af miklum myndar­brag. Marteinn bjó jafn­framt með fjöl­skyldu sinni í húsinu sam­hliða rekstrinum og enn í dag er mögu­leiki á að inn­rétta íbúð á efstu hæð eignarinnar. Kirkju­húsið við Lauga­veg 31. © Aðsend mynd (AÐSEND) Árið 1994 komst fast­eignin í eigu Kristni­sjóðs og var Biskups­stofa þjóð­kirkjunnar með að­setur þar í tæpa þrjá ára­tugi. Skrifstofur eru á efri hæð hússins. Færðu húsið nær upp­runa­legu út­liti Nýir eig­endur keyptu húsið árið 2020 og hófu í kjölfarið um­fangs­miklar fram­kvæmdir með það mark­mið að færa eignina nær upp­runa­legu út­liti hennar, sam­hliða nútíma­væðingu innra skipu­lags. Sam­hliða upp­byggingunni réðst Reykja­víkur­borg ásamt Veitum í endur­nýjun Vatns­stígs við húsið, fram­kvæmdir sem nú er lokið. Skrifstofurrýmið er stórt og rúmgott. Verslunarrýmið á neðri hæðinni er einstaklega fallegt. © Aðsend mynd (AÐSEND) Árið 2023 opnaði Ramma­gerðin svo­kallaða flagg­skips­verslun sína í húsinu, sem markaði nýjan kafla í sögu eignarinnar og styrkti stöðu hennar sem eins af áberandi húsum verslunar­götunnar. Skrif­stofur eru nú á efri hæðum hússins. Sam­kvæmt aug­lýsingu er óskað eftir til­boðum í eignina 22. maí næst­komandi. Fyrir­tækja­salan Suður­ver sér um sölu­ferlið og er áhugasömum bent á vefsíðuna www.fyrir­ta­eki.is Kirkju­húsið við Lauga­veg 31. Kirkju­húsið við Lauga­veg 31.