Alls ræstu 25 í lengstu vegalengdinni, 106 kílómetra hlaupi, klukkan átta í gærkvöld en aðeins tólf komu í mark. Aðstæður í brautinni voru fremur krefjandi eftir úrkomu undanfarna daga. Hlaupið er að Hengli og niður Sleggjubeinsskarð. Þaðan er síðan haldið til Hveragerðis. Sigurvegari í karlaflokki var Tómas Aron Viggósson á 14:34:14 og Mafalda Sigmarsson vann kvennaflokk á 18:59:13. Dalrós Inga Ingadóttir og Grétar Guðmundsson voru hlutskörpust í 53 kílómetra vegalengdinni og Egill Gunnarsson og Hildur Aðalsteinsdóttir voru fyrst í mark meðal keppenda í 26 kílómetra haupi.