Þegar Jonas Gahr Støre tók við sem forsætisráðherra Noregs haustið 2021 höfðu rauðgrænu flokkarnir 100 af 169 þingsætum og höfðu því sterka stöðu til að breyta um kúrs í norskum stjórnmálum, eftir átta ára hægrstjórn Ernu Solber. Það gerði flokkurinn, ásamt norska Miðflokknum, og saman hækkuðu þeir eignaskatt og skatta á arð og söluhagnað verulega. Sjá einnig Fram­fara­flokkurinn orðinn stærstur og Støre í vörn Rauðgrænu flokkarnir sigruðu í kosningunum síðasta haust en útlitið var svart þar til Jens Stoltenberg tók við sem fjármálaráðherra í febrúar í fyrra. Fylgið hefur verulega gefið eftir í könnunum allt frá í janúar, þegar Stoltenberg þurfti að svara fyrir nýtt líkan á fasteignamati, sem bæði hækkaði fasteignagjöld og eignaskatt. Allir töldu daga Verkamannaflokksins í ríkisstjórn talda haustið 2024. En svo mætti gamli forsætisráðherrann Stoltenberg og tók við fjármálaráðuneytinu. Jonas Gahr Støre fór til Brussel og heilsaði upp á Jens Stoltenberg, þá framkvæmdastjóra Atlantshafsbandalagsins, í september 2024. Fimm mánuðum seinna var Stoltenberg orðinn fjármálaráðherra. © epa (epa) Erfiðasta verkefni Verkamannaflokksins, sem situr einn í ríkisstjórn eftir að Miðflokkurinn yfirgaf hana síðasta vor, eru skattamálin. Í dag kynnti sérstök skattanefnd, sem ætlað er að ná samkomulagi í skattamálum þvert á flokkslínur, niðurstöðu sína. Framfaraflokk Sylvi Listhaug sem mælist langstærstur, með um og yfir 30% fylgi. Hann er eini flokkurinn sem ákváð að taka ekki þátt í skattanefndinni og vill afnema eignaskattinn að fullu. Ítarlega er fjallað um skattahækkanirnar og áhrif þeirra í nýjasta tímariti Frjálsrar verslunar. Sjá einnig Frá Haraldi Hárfagra til Jonasar Gahr Støre Ine Eriksen Søreide fyrrum utanríkisráðherra er formaður Høyre. Hún nýtur virðingar í Noregi en nær síður kjósenda sem eru ósáttir við skattahækkanir Verkamannaflokksins. © epa (epa) Á sama tíma glímir Hægriflokkurinn við eigin tilvistarspurningu eftir að Erna Solberg lét af formennsku eftir 22 ár. Veik staða ríkisstjórnarinnar hefur ekki skilað flokknum þeirri fylgisaukningu sem búast mátti við. Kjósendur sem vilja breytingar fara annað, þá helst til Framfaraflokksins. Minnir þetta mjög á stöðu Sjáflstæðisflokksins í fyrra, þegar mikil þreyta var meðal stuðningsmanna flokksins á stjórnarsamstarfi við Vinstri græn og Framsóknarflokk, og margir færðu sig yfir á Miðflokkinn í könnunum. Fjallað var um stöðuna í norskum stjórnmálum í Viðskiptablaðinu sem kom út í morgun. Áskrifendur geta lesið umfjöllunina hér og blaðið hér .