Hluta­bréf Amaroq Minerals hækka um 5% í við­skiptum dagsins og stendur gengi félagsins í 196 krónum þegar þetta er skrifað. Við­skipti með bréf félagsins nema um 215 milljónum króna í dag. Amaroq birti af­komu­spá fyrir opnun markaða og virðist hún hafa stutt við viðbrögð fjár­festa. Eins og Við­skipta­blaðið greindi frá í liðinni viku hafa verið tölu­verðar sveiflur á gengi Amaroq það sem af er ári. Hluta­bréfið stóð í 182 krónum í árs­byrjun og var félagið jafn­framt það eftir­sóttasta í Kaup­höllinni í janúar. Flest við­skipti voru með bréf Amaroq í mánuðinum, alls 1.952 við­skipti, og heildar­velta nam 9,4 milljörðum króna. Gengið fór í 244 krónur á hlut þann 29. janúar, sem var hæsta gengi í sögu félagsins og jafn­gilti um 34% hækkun frá árs­byrjun. Í fram­haldi lækkaði bréfið niður í 170 krónur um miðjan febrúar, en hefur síðan þá tekið við sér á ný. Í ný­birtum fram­leiðslumarkmiðum árið áætlar Amaroq að gull­fram­leiðsla úr Nalunaq-námunni verði 25–35 þúsund únsur. Til saman­burðar nam gull­fram­leiðsla félagsins í fyrra um 6.600 únsum. „Gert er ráð fyrir að fram­leiðsla og sala aukist á seinni hluta ársins þegar 2. áfangi flotaðskilnaðar verður að fullu kominn í rekstur. Fram­leiðsla á fyrri helmingi ársins er áætluð 7–10 þúsund únsur,“ segir í til­kynningu Amaroq til Kaup­hallarinnar. Sjá einnig Allt að fimm­falda gull­fram­leiðslu milli ára Heims­markaðsverð gulls er í kringum 5.180 dali á únsu í dag. Miðað við það verð nemur mögu­legt and­virði áætlaðrar fram­leiðslu á árinu um 129–181 milljón dollara, eða um 15–22 milljörðum króna, eftir því hvar fram­leiðslan lendir innan spár. Félagið segir að mark­miðið byggi meðal annars á áætluðum styrk­leika gulls í berginu, gang­setningu annars áfanga vinnslunnar á öðrum árs­fjórðungi, áætluðum viðhalds­stöðvunum og mögu­legum ófyrir­séðum aðstæðum. Endur­heimtu­hlut­fall í fyrsta áfanga er áætlað um 60%, en gert er ráð fyrir að það hækki í 90–95% eftir gang­setningu annars áfanga. Þá gerir félagið ráð fyrir að styrk­leiki gulls (head grade) verði að jafnaði 14–15 g/t, með eðli­legum sveiflum yfir árið eftir því hvaða hlutar Mountain Block-æðarinnar fara í gegnum vinnsluna. Rekstrar­kostnaður Nalunaq (cash costs) er áætlaður 44–47 milljónir dala, en rekstrar­kostnaður með viðhalds­fjár­festingum (AISC) 69–73 milljónir dala.