Elsa Maren Steinarsdóttir leiddi eftir fyrsta hring í kvennakeppni Íslandsmótsins, en hún lék hringinn á fjórum höggum undir pari og var með þriggja högga forystu eftir fyrsta hring. Guðrún Brá Björgvinsdóttir ríkjandi Íslandsmeistari er í öðru sæti. Í karlaflokki er Íslandsmeistari síðasta árs, Dagbjartur Sigurbrandsson úr Golfklúbbi Reykjavíkur efstur eftir fyrsta hring sem hann lék á fimm höggum undir pari. Hann hefur tveggja högga forskot á næstu menn. Hér má fylgjast með stöðunni. Bein útsending RÚV frá keppni dagsins hefst klukkan 15:30. Einnig verður sýnt beint frá þriðja hring á morgun og frá lokahring Íslandsmótsins á sunnudag.