Bandaríkin og Frakkland mætast í úrslitaleik heimsmeistaramóts kvenna í körfubolta í dag. Leikurinn hefst klukkan 18:00 og er sýndur beint á RÚV 2. Bronsleikur Spánar og Þýskalands er klukkan 14:30 á RÚV. Bandaríkin unnu Spán í gær og Frakkar unnu heimakonur í Þýskalandi. Unnið oftast allra - besti árangur í sögu Frakka Bandaríkin eru ríkjandi heimsmeistarar og hafa unnið HM oftast allra, 11 sinnum. Liðið hefur unnið síðustu fjögur heimsmeistaramót. Frakkland hefur aldrei unnið áður og besti árangur þeirra hingað til er brons á fyrsta HM árið 1953. Þetta er því besti árangur í sögu Frakka á HM, sama hvernig fer í dag.