Bandaríkin mæta Frakklandi í úrslitaleik heimsmeistaramóts kvenna í körfubolta á morgun. Þær bandarísku unnu Spán að lokum 66-76 eftir afar jafnan leik. Bandaríkin eru ríkjandi heimsmeistarar og þóttu sigurstranglegri en Spánverjar gáfu þeim hörku leik. Að lokum stungu Bandaríkjakonur af í lokin og unnu síðasta leikhlutann 8-18. Leikhlutarnir fjórir: Fyrsti : Spánn 18 - 21 Bandaríkin Annar : Spánn 18 - 18 Bandaríkin Þriðji : Spánn 22 - 19 Bandaríkin Fjórði : Spánn 8 - 18 Bandaríkin Spánverjar byrjuðu mun betur og leiddu 9-1 í upphafi leiks. Þá rönkuðu Bandaríkin við sér og leiddu í lok fyrsta leikhluta. Breanna Stewart var stigahæst hjá Bandaríkjunum með 16 stig. Iyana Martin leiddi þær spænsku með 17 stig. Caitlin Clark var með eitt stig og lék alls 16 mínútur. Úrslitaleikur á morgun Frakkar unnu Þjóðverja í hinum undanúrslitaleiknum. Úrslitaleikurinn er klukkan 18:00 á morgun á RÚV2. Spánn og Þýskaland mætast í bronsleiknum klukkan 14:30 á RÚV.